Belar bolen plastikoei irtenbide txukun bat ematea zaila izan da, batzuetan erre, bestetan lurperatu, edo pilatuta haizeak non nahi barreiatuz, paisai eta bazterrak zikintzera eramaten zuen. Neurri zuzena, baimendutako enpresekin elkar lana egitea da, eta Landaolatik 20 urtetik gorako esperientziarekin, urte osoan zehar Gipiuzkoako eskualde guztietan plastiko eta soken bilketari ekiten zaio.

Azken urteetan artilea ustiategiko errentan diru sarrera izatetik, hondakin gisa kudeatu eta hauek kudeatzeko ordaindu behar izatera pasa da. Animalietatik eratorritako hondakina izanik, Europako normatiben arabera Sandach3 sailkapena jasotzen du, gizakiontzako arrisku gutxieneko gai modura. Hala eta guztiz ere, tratamendu posibleak ez dira nola nahikoak, eta hauek kudeatzeko baimen berezia izan behar da. Egun artilearen balorizazio eta merkaturako irtenbide interesgarriak garatzen ari bagara ere, Gipuzkoako lehen sektoreko eragileekin artilearen mahaia dago eratuta. Bertan adostuta, Lurgintzarekin elkar lanean, lurralde osoko artile bilketa antolatua eskaintzen da. Artilea konpostatzera eramaten da Artaxoara.

Gipuzkoako Foru Aldundiarekin elkarlanean Landaolak 2026rako artile bilketa antolatu dugu.

Artilea entregtzeko, aurrez IZENA EMATEA BEHARREZKOA DA. 

Izen emateko azken eguna MARTXOAK 13.

• Deitu 943112173
• Idatzi: lurraldeoreka@gipuzkoa.eus 

Aurtengo ezaugarri nagusiak:

• Bilketa DOAN izango da.
• Saka bereziak banatuko dira.
• Artilea garbia eta busti gabea jasoko da.
• Saka guztiak identifikatuta egongo dira.

Informazio gehiago

Liztor beltza edo asiarra (Vespa velutina ssp. nigrithorax) intsektu exotiko inbaditzaileari aurre egiteko, Gipuzkoako Foru Aldundiko Berrikuntzako, Landa Garapeneko eta Turismoko Departamentuak; Gipuzkoako Foru Aldundiko Foru Administrazioko eta Funtzio Publikoko Departamentuak eta Gipuzkoako Erlezain Elkarteak (GEE), Udal eta Landa Garapen Elkarteekin (LGE) batera, liztor beltzaren aurkako Protokoloa prestatu genuen, 2015. urtean. Protokolo honen baitan, liztor beltzaren kabiak tratatu edo deusezten dira Gipuzkoako lurraldean, erakunde ezberdinen arteko elkarlanaren fruitu.

Gipuzkoako Foru Aldundiarekin dugun hitzarmenaren bitartez, makinaria zerbitzuen diru-laguntzen kudeaketaren arduraduna da Landaola.

Eskaerak aurkezteko epea 2026ko maiatzak 26.

Informazio gehiago:

makinaria@landaola.eus

613.564.728

Zure eskualdeko Landa Garapen Elkartean.

Gipuzkoako Landa Garapenerako Elkarteok aholkularitza eskaintzen dugu landa garapeneko proiektu bat martxan jarri nahi duten pertsonei nekazaria izan edo ez eta, behar direnetan, herriko, eskualdeko, lurraldeko zein erkidegoko administrazio edo bestelako erakundeekin bitartekaritza lana egiten dugu.

Landaolak baserri eta herrien garapenerako lagungarri diren administrazio desberdinetatik bideratzen diren dirulaguntzen informazioa eskeintzen du.

Nekazaritza ikuspegitik, hezkuntza eremuan, ikastetxeekin elkarlanean garatzen diren ekintzak biltzen dira bertan. Landa eremuak betetzen dituen funtzioak eta baserritarrek osasunean, paisaian eta kulturaren mantentzean duten papera ikasleei helaraztea du xede. Bide batez, baserri mundua etorkizuneko irtenbide profesional gisa aurkeztea bilatzen da. Nekazal Kultura Eskoletara proiektua, LANDAOLAk, Eusko Jaurlaritzako Ingurugelak eta Cristina Enea Fundazioak elkar lanean burutzen dugu. Landa ingurua eta nekazal kultura, ikastetxeekin eta tokian tokiko eragileen artean elkarlana sustatuko duen topaguneak sortzea asmo du.. Gizarte eredu justuago eta jasangarriago baterako ezinbestekoak deritzogun tokian tokiko nekazal ekoizpen eta elikadura sistema baten garrantzia ikusarazi eta aintzat hartuko duen sarea sortzea.